Acht(er)volgen(de) den p(rese)ntacien die aelbrecht tants t(er) eende(r) ende/ her willem vander eycken p(ri)este(r) als procure(u)[r] machtelt vand(er)/ haert ter ande(re) malcande(re)n inde banck voe(r) meye(r) en(de) scepen(en)/ van loeven(en) gedaen hebben aprilis vii lestleden sijn come(n) op/ heden inde selve banck de selve machtelt ter eende(r) en(de) aelbrecht/ t(er) ande(r) Aldair de selve machtelt hue(r) gebreck en(de) wettige/ schulde(n) die zij aen willem(me) wijlen vanden hove en(de) zijn goede/ nae hem gebleve(n) van pijne(n) en(de) arbeyde(n) uuytstaen(de) heeft/ gecleert heeft bij hue(re)n wettigen eede gedragen(de) ter so(m)men/ van drie schilden te xiiii stuv(er)s tsjaers van dertich jae(re)n/ gedragen(de) tsame(n) negentich gelijcke schilde en(de) d(aer)enbove(n)/ hue(re)n halloen vanden selven tijde als van hue(re)n [dienste] pijne(n) en(de)/ arbeyden die zij den selve(n) wijlen willem(me) dien tijdt due(re)nde/ gedaen heeft dair af zij omvoldaen was Heeft voirts/ gecleert bijde(n) selve(n) hue(re)n eede dat zij uuyten sterfh(uys)
//
vanden selve(n) wijlen willem gheen voirde(r) oft meer porceele(n)/ van haeflijcke(n) goeden oft gereede(n) goede(n) gehadt en hadde/ oft en wiste dan de porceelen die zij ald(aer) inde banck/ voe(r) meye(r) en(de) scepen(en) in eender cedele gespecificeert ov(er)gaf/ Ende oick dat zij nyemant anders en wiste die d uuyten/ selve(n) sterfhuys e(n)nige haeflijcke goede(n) meer gehadt oft/ uuytgedragen hadde Hopen(de) met des(er) eedt te gestaen en(de)/ dat hue(re)n voirs(creven) gecleerde(n) pijne en(de) arbeyden metten halloen/ en(de) costen inder saken geloopen uuytgereyct soude(n) wordde(n)/ acht(er)volgen(de) alle(n) voirgeschiedenissen gem(er)ct dat zij hielt/ huers eedts genoech volcome(n) te zijn des zij hue(r) gedroech/ totte(n) rechte Wair op de scepen(en) niet gemaent en werdden/ want de wederp(ar)tie dair tegen gehoort woude zijn in/ scampno junii secunda